விவியன் ரிச்சர்ட்ஸ் மைதானத்தில் நேற்று முன்தினம் இரவு நடந்த இப்போட்டியில், டாஸ் வென்று பேட் செய்த இங்கிலாந்து 50 ஓவரில் 325 ரன் குவித்து ஆல் அவுட்டானது. ஹாரி புரூக் 71 ரன் (72 பந்து, 7 பவுண்டரி, 2 சிக்சர்), கிராவ்லி 48, பில் சால்ட் 45, சாம் கரன் 38, வில் ஜாக்ஸ் 26, பிரைடன் கார்ஸ் 31* ரன் விளாசினர். வெஸ்ட் இண்டீஸ் பந்துவீச்சில் ரொமாரியோ ஷெப்பர்ட், குடகேஷ் மோத்தி, ஒஷேன் தாமஸ் தலா 2, அல்ஜாரி ஜோசப், யானிக் கரியா தலா 1 விக்கெட் வீழ்த்தினர்.
அடுத்து களமிறங்கிய வெஸ்ட் இண்டீஸ் அணி 48.5 ஓவரில் 6 விக்கெட் இழப்புக்கு 326 ரன் எடுத்து வெற்றியை வசப்படுத்தியது. அலிக் அதனேஸ் 66, பிராண்டன் கிங் 35, ஷிம்ரோன் ஹெட்மயர் 32, ரொமாரியோ ஷெப்பர்ட் 48 ரன் எடுத்தனர். அபாரமாக விளையாடிய கேப்டன் ஷாய் ஹோப் 109 ரன் (83 பந்து, 4 பவுண்டரி, 7 சிக்சர்), அல்ஜாரி ஜோசப் 2 ரன்னுடன் ஆட்டமிழக்காமல் இருந்தனர். ஹோப் ஆட்ட நாயகன் விருது பெற்றார்.
மொத்தம் 3 போட்டிகள் கொண்ட தொடரில் வெஸ்ட் இண்டீஸ் 1-0 என முன்னிலை வகிக்க, 2வது ஒருநாள் போட்டி இதே மைதானத்தில் நாளை இரவு 11.00 மணிக்கு தொடங்கி நடைபெற உள்ளது.
The post இங்கிலாந்துடன் முதல் ஒருநாள் 4 விக்கெட் வித்தியாசத்தில் வெஸ்ட் இண்டீஸ் வெற்றி: கேப்டன் ஹோப் அபார சதம் appeared first on Dinakaran.