ஊத்தங்கரை, செப்.20: ஊத்தங்கரை அடுத்த கல்லாவி மஜீத் தெருவை சேர்ந்தவர் ஷாஜகான் (30). இவர் பெங்களூருவில் உள்ள சாப்ட்வேர் கம்பெனியில் பணிபுரிந்து வருகிறார். இவருக்கு திருமணமாகி 6 மாத ஆண் குழந்தை உள்ளது. குழந்தைக்கு உடல்நலம் சரியில்லாததால், அரசு மருத்துவமனையில் சேர்த்தனர். இதையடுத்து, குழந்தையை பார்ப்பதற்காக டூவீலரில் ஷாஜகான் வந்த போது, ஆனந்தூர் அருகே நாய் குறுக்கே வந்ததால் நிலை தடுமாறி கீழே விழுந்தார். இதில் தலையில் பலத்த காயம் ஏற்பட்டது. அக்கம் பக்கத்தினர் அவரை மீட்டு போச்சம்பள்ளி அரசு மருத்துவமனையில் சேர்த்தனர். அங்கு அவரை பரிசோதித்த மருத்துவர், ஷாஜகான் ஏற்கனவே இறந்து விட்டதாக தெரிவித்தார். இதுகுறித்த புகாரின் பேரில் கல்லாவி போலீசார் வழக்குபதிந்து விசாரித்து வருகின்றனர்.

The post பைக்கில் இருந்து தவறி விழுந்து வாலிபர் பலி appeared first on Dinakaran.