இந்த வழக்கில் வரிச்சியூர் செல்வத்தை, விருதுநகர் தனிப்படை போலீசார் கடந்த 21ம் தேதி கைது செய்து சாத்தூர் நீதிமன்றத்தில் ஆஜர்படுத்தி மதுரை சிறையில் அடைத்தனர். இந்நிலையில் வரிச்சியூர் செல்வத்தை 7 நாள் காவலில் எடுத்து விசாரிக்க விருதுநகர் குற்றவியல் நீதிமன்றத்தில், தனிப்படை போலீசார் கடந்த 23ம் தேதி மனு தாக்கல் செய்தனர். மனுவை விசாரித்த மாஜிஸ்திரேட் கவிதா, வரிச்சியூர் செல்வத்தை 5 நாட்கள் போலீஸ் காவலில் விசாரிக்க நேற்று அனுமதி வழங்கி, மீண்டும் ஜூலை 1ம் தேதி ஆஜர்படுத்த உத்தரவிட்டார். இதையடுத்து கோர்ட்டில் ஆஜரான வரிச்சியூர் செல்வத்தை அருப்புக்கோட்டை அரசு மருத்துவமனைக்கு அழைத்து சென்று மருத்துவ பரிசோதனைக்கு பிறகு அருப்புக்கோட்டை காவல்நிலையத்தில் வைத்து விசாரணை நடத்தி வருகின்றனர்.
The post கூட்டாளியை கொலை செய்த வழக்கில் வரிச்சியூர் செல்வத்துக்கு 5 நாள் போலீஸ் காவல் appeared first on Dinakaran.