காதலிக்கு முதல் வாழ்த்து தனதாக இருக்க வேண்டும் என்று நினைத்த பிரசாந்த், நண்பர்களான தரணி பிரசாத், குணசேகரன் மற்றும் அபிஷேக் ஆகியோருடன் பைக்கில் நேற்று முன்தினம் இரவு காதலி வீட்டிற்கு சென்றார். நள்ளிரவு சரியாக 12 மணிக்கு காதலியின் வீட்டுக்கதவை தட்டினார். அப்போது பெண்ணின் தந்தை மகாதேவன் (40), தாய்மாமன் விக்னேஷ் (29) ஆகியோர் கதவை திறந்தனர். வெளியில் பிரசாந்த் போதையில் நின்றது தெரியவந்தது. இதனால் பிரசாந்துக்கும், விக்னேசுக்கும் இடையே வாக்குவாதம் முற்றி கைகலப்பானது. ஆத்திரம் அடைந்த விக்னேஷ் கத்தியால் அவரது கை மற்றும் நெஞ்சில் குத்தினார். இதில் பலத்த காயம் அடைந்த பிரசாந்த் ரத்த வெள்ளத்தில் சரிந்து விழுந்தார். உடன் சென்ற நண்பர்கள் அவரை மீட்டு பைக்கில் மீட்டு மருத்துவமனைக்கு கொண்டு சென்றனர். ஆனால் வழியிலேயே அவர் இறந்தார். இது குறித்து செட்டிபாளையம் போலீசார் வழக்குப்பதிந்து விக்னேசை கைது செய்தனர்.
The post பிறந்தநாள் வாழ்த்து கூறுவதற்காக நள்ளிரவில் காதலி வீட்டிற்கு சென்ற வாலிபர் குத்திக்கொலை: தாய்மாமன் கைது appeared first on Dinakaran.