கிருஷ்ணகிரி, மார்ச் 21: கிருஷ்ணகிரியில் வரும் 30ம் தேதி கோட்ட அளவிலான தபால்துறை சார்ந்த குறை தீர்ப்பு நாள் கூட்டம் நடைபெறுகிறது. இதுகுறித்து கிருஷ்ணகிரி அஞ்சல் கோட்ட கண்காணிப்பாளர் ராகவேந்திரன் வெளியிட்டுள்ள செய்திக்குறிப்பு: கிருஷ்ணகிரி அஞ்சல் கோட்ட அளவிலான தபால்துறை சார்ந்த குறை தீர்ப்பு நாள் கூட்டம் வருகிற 30ம் தேதி காலை 11 மணியளவில் கிருஷ்ணகிரி தலைமை அஞ்சல் அலுவலக வளாகத்தில் உள்ள அஞ்சல் கோட்ட கண்காணிப்பாளர் அலுவலகத்தில் நடைபெறவுள்ளது. அஞ்சலக வாடிக்கையாளர்கள், தங்களுக்கு ஏதேனும் குறைகள் இருப்பின், தங்களது புகார்களை “தக் அதாலத்” என தபால் உறையின் மீது எழுதி வரும் 23ம் தேதிக்குள் சூப்பிரண்ட் ஆப் போஸ்ட ஆபிஸ், கிருஷ்ணகிரி என்ற முகவரிக்கு சென்று சேரும்படி அனுப்ப வேண்டும்.