கோபால்பட்டி: திண்டுக்கல்லை அடுத்த கொசவபட்டியை சேர்ந்தவர் ஜோசப் பன்னீர்செல்வம். கூலித்தொழிலாளி. இவரது மனைவி ஆரோக்கிய ராணி (33). இவர் கடந்த 19ம் தேதி சமையல் செய்வதற்காக விறகு அடுப்பை பற்ற வைத்தார். அப்போது எதிர்பாராதவிதமாக அவர் அணிந்திருந்த உடையில் தீப்பிடித்தது. இதையடுத்து, உடல் முழுவதும் தீ பரவியது. இதனால், ஆரோக்கிய ராணி எரிச்சல் தாங்காமல் அலறினார். அங்கிருந்த ஜோசப் பன்னீர்செல்வம் ஓடிவந்து அவரை மீட்க முயற்சி செய்தார். அப்போது அவருக்கும் தீக்காயங்கள் ஏற்பட்டது. உடனே அக்கம்பக்கத்தினர் அவர்கள் இருவரையும் மீட்டு சிகிச்சைக்காக திண்டுக்கல் அரசு மருத்துவமனையில் சேர்த்தனர்.