பேராவூரணி, ஜன.24: பேராவூரணி நகரம் மற்றும் பேராவூரணி வட்டத்தைச் சுற்றியுள்ள கிராமங்களில் இயங்கி வரும் திருமண மண்டபம் மற்றும் விழா அரங்கங்களில் திருமண நிகழ்ச்சி தவிர மற்ற இதர மொய்விருந்து, காதணி விழாக்கள் உள்ளிட்ட ஏனைய நிகழ்ச்சிகள் நடத்திட தமிழக அரசின் கொரோனா வழிகாட்டி நெறிமுறைகளின் படியும், தமிழக அரசாணையின்படி ஜன. 31ம்தேதி வரை தடை விதிக்கப்பட்டுள்ளது. எனவே, பேராவூரணி வட்டத்தைச் சுற்றியுள்ள கிராமங்களில் இயங்கி வரும் திருமண மண்டபம் மற்றும் விழா அரங்கங்களில் ஏற்கனவே பதிவு செய்யப்பட்ட திருமண நிகழ்ச்சிகளில் 100 நபர்களுக்கு மிகாமல் நடத்திடவும், மற்ற இதர நிகழ்ச்சிகளை நடத்திட மேற்காணும் அரசாணையின் படி தமிழக அரசால் தடை செய்யப்பட்டுள்ளது. தமிழக அரசால் தடை விதிக்கப்படும் காலத்தினை நீடிக்கும் பட்சத்தில் தளர்வு உத்தரவு வரும் வரையில் மேற்கண்ட விழாக்களை நடத்த தடைவிதிக்கப்படுகிறது.