திருத்துறைப்பூண்டி, டிச. 6: மாநில அளவிலான இணையவழி வினாடி வினா போட்டியில் வெற்றிபெற்ற நெடும்பலம் அரசு மேல்நிலைப்பள்ளி மாணவன் பரத்ராம் கல்விசுற்றுலா செல்ல பாஸ்போர்ட் கிடைக்க துரிதமாக உதவிய தமிழக அரசுக்கு திருத்துறைப்பூண்டி எம்எல்ஏ மாரிமுத்து நன்றி தெரிவித்துள்ளார். இது குறித்து அவர் வெளியிட்டுள்ள செய்திக்குறிப்பு: ‘தமிழ்நாடு பள்ளிக்கல்வித்துறை சார்பில், மாநில அளவில் இணையவழியில் வினாடி - வினா போட்டியில் திருத்துறைப்பூண்டி நெடும்பலம் அரசு மேல்நிலைப்பள்ளியில் 10ம் வகுப்பு படிக்கும் மாணவன் பரத்ராம் வெற்றி பெற்று ஐக்கிய அமீரகம் துபாய் நாட்டிற்கு கல்வி சுற்றுலா செல்ல தேர்வானார். திருவாரூர் மாவட்டத்தில் இருந்து தேர்தெடுக்கபட்ட இருவரில் இவரும் ஒருவர் என்பது குறிப்பிடதக்கது.இதனை அடுத்து இவர் வெளிநாட்டிற்கு கல்வி சுற்றுலா செல்ல பாஸ்போர்ட்க்கு விண்ணப்பித்த நிலையில் விண்ணப்பம் நிராகரிக்கபட்டது.