திருவில்லிபுத்தூர், மார்ச் 4: வன்னியர்களுக்கு 10.5 சதவீத இட ஒதுக்கீடு வழங்கிய தமிழக அரசை கண்டித்து திருவில்லிபுத்தூர் நகரில் பல்வேறு பகுதிகளில் இரண்டாம் நாளாக நேற்று கருப்புக்கொடி ஏற்றி போராட்டம் நடத்தப்பட்டது.தமிழக அரசு சமீபத்தில் வன்னியர்களுக்கு 10.5 சதவீத உள் இடஒதுக்கீடு வழங்கியது. இதற்கு தமிழகத்தில் பல்வேறு அமைப்பினர் எதிர்ப்பு தெரிவித்துள்ளனர். தமிழகத்தில் உள்ள 93 சாதியினருக்கு 7.5 சதவீத இடஒதுக்கீடு, ஆனால் ஒரு சாதிக்கு மட்டும் 10.5 சதவீத இடஒதுக்கீடு வழங்கியது சமூக அநீதி என தங்கள் கண்டனத்தை தெரிவித்து வருகின்றனர்.