சென்னை: தூத்துக்குடி தெற்கு மாவட்ட மதிமுக பொறுப்பாளராக நாசரேத் வே.ரஞ்சன் நியமிக்கப்பட்டுள்ளார் என்று வைகோ தெரிவித்துள்ளார். மதிமுக பொதுச் செயலாளர் வைகோ நேற்று வெளியிட்டுள்ள அறிக்கையில் கூறியிருப்பதாவது: தூத்துக்குடி தெற்கு மாவட்ட மதிமுக பொறுப்பாளராக நாசரேத் வே.ரஞ்சன் நியமிக்கப்படுகிறார். ஒட்டப்பிடாரம், திருவைகுண்டம், திருச்செந்தூர் ஆகிய 3 சட்டமன்ற தொகுதிகள் தெற்கு மாவட்டத்திற்குள் அடங்கும். தூத்துக்குடி வடக்கு மாவட்ட செயலாளராக ஆர்.எஸ்.ரமேஷ் தொடர்ந்து பணியாற்றுவார். கோவில்பட்டி, தூத்துக்குடி, விளாத்திகுளம் ஆகிய 3 சட்டமன்ற தொகுதிகள் வடக்கு மாவட்டத்திற்குள் அடங்கும். இவ்வாறு அவர் கூறியுள்ளார்.