நாகர்கோவில், ஜன. 8: தியாகராஜ சுவாமிகளின் 179-வது ஆராதனை விழாவையொட்டி வடிவீஸ்வரம் பெரிய தெரு  குரு அற்புத ராகவேந்திரா கோயிலில் பஞ்சரத்ன கீர்த்தனை நடைபெற்றது. சங்கீத வித்வான் தென்கரை மகாராஜன், வடிவீஸ்வரம் ராமசேஷன், சங்கீத விதுஷ் சாந்தா சுப்பிரமணியன் ஆகியோர் தலைமையில் கர்நாடக சங்கீத இசை நிகழ்ச்சி நடைபெற்றது. சுசீந்திரம் முன்னப்பன்,  ராம் ஆகியோர் மிருதங்கம் வாசித்தனர். இதில் பாடகர்கள் மங்களம், உமா ஹரிகரன், சலஜகுமாரி, ரேவதி கலா, கௌரி கலா, லட்சுமி, சோபிகா, பாரதி, லக்சரா, தர்ஷனா உள்ளிட்டோர் கலந்து கொண்டு பாடினர். அறக்கட்டளை தலைவர் ஐயப்பன் அனைவருக்கும் பரிசு வழங்கி கௌரவித்தார்.