உடன்குடி, டிச. 17: உடன்குடி அனல்மின்நிலைய ஊழியர்கள் 5பேர் உட்பட 6 பேருக்கு நேற்று ஓரே நாளில் கொரோனா தொற்று உறுதி செய்யப்பட்டது. இதனையடுத்து மீண்டும் அனல்மின்நிலைய வளாகத்தில் வெளிமாநிலங்களிலிருந்து வருபவர்களுக்கு சுகாதாரத் துறையினர் கொரோனா பரிசோதனை மேற்கொண்டு வருகின்றனர். உடன்குடி கல்லாமொழி பகுதியில் அனல்மின்நிலையம், துறைமுகம் அமைக்கும் பணி தீவிரமாக நடந்து வருகிறது. கடந்த சில மாதங்களுக்கு முன்னர் கொரோனா தொற்று நோய் தாக்கம் தீவிரமாக இருந்த போது ஏராளமான வடமாநில ஊழியர்கள் தங்கள் சொந்த பகுதிக்கு திரும்பினர். தற்போது மத்திய, மாநில அரசுகள் கடும் ஊரடங்குக்கு பின்னர் தற்போது தளர்வுகள் அளிக்கப்பட்டது. இதையடுத்து மீண்டும் வடமாநிலங்களில் இருந்து ஏராளமான தொழிலாளர்கள் பணிக்கு திரும்பினர்.