பெரியகுளம்,செப்.15: பெரியகுளம் வடகரை பழைய பஸ்நிலையத்தில் உள்ள அண்ணா சிலைக்கு மாலை அணிவித்து மரியாதை செய்த பின் இளைஞரணி உறுப்பினர் சேர்க்கை முகாம் நடைபெற்றது. முகாமினை மாவட்ட பொறுப்பாளர் கம்பம் ராமகிருஷ்ணன் துவக்கி வைத்தார். அவர் பேசுகையில், `` திமுக தலைவர் மு.க.ஸ்டாலின் உத்தரவின் பேரில், இளைஞரணி செயலாளர் உதயநிதி ஸ்டாலின் அறிவுறுத்தலின்படி தேனி மாவட்டத்தில் உள்ள கம்பம், போடி, ஆண்டிபட்டி, பெரியகுளம் ஆகிய 4 சட்டமன்ற தொகுதிகளில் 50 ஆயிரத்திற்கும் மேற்பட்ட இளைஞரணி உறுப்பினர்கள் சேர்க்கை நடைபெற்று வருகிறது.  

இளைஞர்கள் ஆர்வத்துடன் சேர்ந்து வருகின்றனர். விரைவில் 50 ஆயிரத்திற்கும் மேற்பட்ட உறுப்பினர்கள் சேர்த்து விடுவோம் என்றார். நிகழ்ச்சியில், மாநில விவசாய தொழிலாளர் பிரிவு தலைவர் மூக்கையா, பெரியகுளம் எம்எல்ஏ சரவணக்குமார், ஆண்டிபட்டி எம்எல்ஏ மகாராஜன், பெரியகுளம் நகர செயலாளர் முரளி, ஒன்றிய செயலாளர் பாண்டியன் உள்பட பலர் கலந்து கொண்டனர்.