இந்த பழக்கத்தில் இயக்குநர் சீமான் தன்னை மதுரை மீனாட்சி அம்மன் கோயிலில் மாலை மாற்றி திருமணம் செய்து கொண்டு, மதுரையில் உள்ள நட்சத்திர ஓட்டலில் முதலிரவு நடந்ததாக விஜயலட்சுமி தெரிவித்து இருந்தார். சீமானுடன் கணவன் -மனைவியாக வாழ்ந்து வந்ததன் பயனாக 7 முறை கருவூற்றேன். பிறகு சீமான் கட்டாயப்படுத்தி கருச்சிதைவு செய்தார். அதன் பிறகு என்னை விட்டுவிட்டு கயல்விழி என்பவரை திருமணம் செய்து கொண்டு என்னை ஏமாற்றிவிட்டார். இதுகுறித்து கடந்த 2011ம் ஆண்டு அதிமுக ஆட்சி காலத்தில் அளித்த புகாரின்படி வளசரவாக்கம் போலீசார் கடந்த 2011ம் ஆண்டு இயக்குநர் சீமான் மீது ஐபிசி 417, 420, 354, 376, 506(1) மற்றும் பெண்கள் வன்கொடுமை தடுப்பு சட்டத்தின் கீழ் வழக்கு பதிவு செய்தனர். அப்போது அதிமுக ஆட்சி என்பதால் இயக்குநர் சீமான் மீது போலீசார் எந்த நடவடிக்கையும் எடுக்கவில்லை.
இந்நிலையில், இயக்குநர் சீமான் தனது கட்சியின் முக்கிய நிர்வாகியான மதுரை செல்வம் மூலம் என்னிடம் பேச்சுவார்த்தை நடத்தி கடந்த 2023 மார்ச் மாதம் முதல் ஆகஸ்ட் மாதம் வரை சீமான் தரப்பு சொன்னபடி மாதம் ரூ.50 ஆயிரம் பணம் அனுப்பியுள்ளனர். அதற்கு பிறகு பணம் அனுப்பவில்லை. இதுகுறித்து கேட்ட போது, மதுரை செல்வம் என்பவர் மூலம் சீமான் ஆபாச வீடியோ அனுப்பி சமூக வலைத்தளங்களில் பரப்பிவிடுவதாக மிரட்டி வருவதாக புகார் அளித்தார். புகாரின்படி, நடிகை விஜயலட்சுமியிடம் வளசரவாக்கம் அனைத்து மகளிர் போலீசார் ராமாபுரம் காவல் நிலையத்தில் வைத்து 6 மணி நேரம் விசாரணை நடத்தினர்.
தொடர்ந்து, திருவள்ளூர் மாவட்ட மகளிர் நீதிமன்ற கூடுதல் நீதிபதி பவித்ரா முன்பு 164 சட்டப்பிரிவின் கீழ் நடிகை விஜயலட்சுமி 3 மணி நேரம் தான் சீமானுடன் வாழ்ந்ததற்கான ஆவணங்களை சமர்ப்பித்து வாக்குமூலம் அளித்தார். அதைதொடர்ந்து வளசரவாக்கம் அனைத்து மகளிர் போலீசார் விளக்கம் கேட்டு இயக்குநர் சீமான் நேரில் ஆஜராக கடந்த வாரம் சம்மன் அனுப்பினர். அப்போது வழக்கு ஒன்றில் ஆஜராக உள்ளதால் விசாரணைக்கு வரும் 12ம் தேதி நேரில் ஆஜராவதாக சீமான் போலீசாருக்கு விளக்கம் அளித்திருந்தார். இந்நிலையில், வளசரவாக்கம் அனைத்து மகளிர் காவல் நிலையத்தில் நேற்று காலை 10 மணிக்கு இயக்குநர் சீமான் நேரில் ஆஜராவார் என்று எதிர்பார்க்கப்பட்டது.
இதனால், காவல் நிலையம் முன்பு சீமான் கட்சியை சேர்ந்த 100க்கும் மேற்பட்டோர் குவிந்தனர். அங்கு பதற்றமான சூழல் ஏற்பட்டதை தொடர்ந்து உதவி கமிஷனர் கவுதமன் தலைமையில் தடுப்புகள் அமைத்து போலீஸ் பாதுகாப்பு போடப்பட்டது. பிறகு இயக்குநர் சீமான் விசாரணை அதிகாரியான இன்ஸ்பெக்டர் ராஜலட்சுமி முன்பு நேரில் ஆஜராவார் என்று எதிர்பார்த்த நிலையில், அவர் நேற்று நேரில் ஆஜராகவில்லை. அவருக்கு பதில் அவரது வழக்கறிஞர் சங்கர் தலைமையில் 6 வழக்கறிஞர்கள் கையில் மனுவுடன் காவல் நிலையத்தில் ஆஜரானார்கள். அப்போது காவல் நிலையத்தில் இருந்த கோயம்பேடு துணை கமிஷனர் உமையாள், விசாரணை அதிகாரி இன்ஸ்பெக்டர் ராஜலட்சுமி ஆகியோரை சந்தித்து, சீமான் ஏற்கனவே திட்டமிட்ட நிகழ்ச்சிகள் காரணமாக அவர் தற்போது வெளியூரில் உள்ளார்.
இதனால் நேரில் ஆஜராக முடியவில்லை. எனவே மற்றொரு நாள் நேரில் ஆஜராக விலக்கு அளிக்கும்படி ஒரு மனு கொடுத்தனர். மேலும், சீமான் மீது 2011ம் ஆண்டு நடிகை விஜயலட்சமி அளித்த புகார் சமாதானம் அடிப்படையில் முடித்து வைக்கப்பட்டது. ஆனால் தற்போது சீமான் மீது அளித்த புகார் குறித்த விவரங்களை தங்களுக்கு அளிக்கும்படி சீமான் தரப்பில் மற்றொரு மனு விசாரணை அதிகாரியிடம் அளிக்கப்பட்டது. அப்போது போலீசார் தரப்பில், இது பாலியல் தொடர்பான வழக்கு. எனவே நீதிமன்ற வழிகாட்டுதலின் படி குற்றம் சாட்டப்பட்டுள்ள நபர் தான் நேரில் வந்து விளக்கம் அளிக்க வேண்டும்.
அதேநேரம் நடிகை விஜயலட்சுமி நீதிபதியிடம் அளித்த வாக்குமூலம் குறித்து ஆவணங்கள் உங்களிடம் அளிப்பது குறித்து சட்ட நிபுணர்களுடன் கலந்து பேசி முடிவு எடுப்பதாக சீமான் தரப்பு வழக்கறிஞர்களிடம் தெரிவித்ததாக கூறப்படுகிறது. இதை தொடர்ந்து சீமான் தரப்பு வழக்கறிஞர்கள் காவல்நிலையத்தில் இருந்து புறப்பட்டு ெசன்றனர். இயக்குநர் சீமான் வரவை எதிர்பார்த்து பல மணி நேரம் அவருக்காக காத்திருந்த கட்சியினர் கடைசியில், அவரை பார்க்க முடியாமல் ஏமாற்றத்துடன் திரும்பினர். நடிகை விஜயலட்சுமி விவகாரத்தில் இயக்குநர் சீமானுக்கு நேரில் ஆஜராக சம்மன் அனுப்பியும் அவர் நேரில் ஆஜராகாமல் தனது வழக்கறிஞர்கள் மூலம் விலக்கு பெற்று வருகிறார். இதனால் போலீசார் நீதிமன்ற வழிகாட்டுதலின்படி அடுத்தகட்ட நடவடிக்கை எடுப்பது குறித்து சட்ட நிபுணர்களுடன் ஆலோசனை நடத்தி வருகின்றனர்.
The post நடிகை விஜயலட்சுமியுடன் குடும்பம் நடத்தி 7 முறை கருச்சிதைவு செய்த விவகாரம் காவல்நிலையத்தில் சீமான் ஆஜராகவில்லை: விசாரணை அதிகாரியிடம் வழக்கறிஞர் விளக்கம் appeared first on Dinakaran.