* நெதர்லாந்து – ஜெர்மனி அணிகள் மோதிய ஆண்கள் ஹாக்கி பைனல் 1-1 என டிராவில் முடிவடைந்ததை அடுத்து பெனால்டி ஷூட் அவுட் கடைப்பிடிக்கப்பட்டது. அதில் 3-1 என்ற கோல் கணக்கில் வென்ற நெதர்லாந்து தங்கப் பதக்கத்தை கைப்பற்றியது. ஜெர்மனி வெள்ளியுடன் திருப்தி அடைந்தது.
* வினேஷ் போகத்தை தகுதிநீக்கம் செய்த முடிவில் லாஜிக்கும் இல்லை, விளையாட்டு உணர்வும் இல்லை என்று மாஸ்டர் பேட்ஸ்மேன் சச்சின் டெண்டுல்கர் கடுமையாக விமர்சித்துள்ளார்.
* ‘நீரஜ் சோப்ரா எனது மகனின் நண்பன் மட்டுமல்ல… சகோதரனும் கூட’ என்று நதீம் அஷ்ரப்பின் தாயார் ரஸியா பர்வீன் கூறியுள்ளார். அதே போல, தங்கம் வென்ற நதீமுக்கு நீரஜின் தாயார் சரோஜா தேவி வாழ்த்து தெரிவித்து தனது மகனாகவே பாவித்துள்ளது சமூக வலைத்தளங்களில் வைரலாகி உள்ளது.
* வெண்கலம் வென்ற ஹாக்கி அணிக்கும், ஈட்டி எறிதலில் வெள்ளி வென்ற நீரஜுக்கும் நாடாளுமன்றத்தில் நேற்று வாழ்த்து/பாராட்டு தெரிவிக்கப்பட்டது.
* ஒலிம்பிக் மகளிர் கோல்ப் போட்டியின் 3வது சுற்றில் சிறப்பாக செயல்படத் தவறிய இந்திய வீராங்கனைகள் அதிதி அஷோக், தீக்ஷா தாகர் மேலும் பின்னடைவை சந்தித்தனர்.
* பாரிஸ் ஒலிம்பிக்கில் பிரேக்டான்ஸ் போட்டி நேற்று அறிமுகமானது (பிரேக்கிங்). இதில் இந்தியா பங்கேற்கவில்லை என்றாலும், இண்டியா சர்த்ஜோ என்ற பெயர் கொண்ட வீராங்கனை கலந்துகொள்வது குறிப்பிடத்தக்கது.
* மகளிர் மல்யுத்தம் 76 கிலோ பிரீஸ்டைல் பிரிவில் இந்திய வீராங்கனை ரீத்திகா ஹூடா இன்று களமிறங்குகிறார். காலிறுதிக்கு முந்தைய சுற்றில் அவர் ஹங்கேரியின் பெர்னாடெட் நாகி சவாலை சந்திக்கிறார்.
The post ஒலிம்பிக் துளிகள்… appeared first on Dinakaran.
