சாயல்குடி, ஆக.22: ராமநாதபுரம் மாவட்டத்தில் நேற்று ஒரே நாளில் 107 பேர் கொரோனா தொற்று உறுதி செய்யப்பட்டதால் மக்கள் அச்சமடைந்துள்ளனர். ராமநாதபுரம் மாவட்டத்தில் நேற்று முன்தினம் வரை 4,133 பேர் கொரோனா தொற்று பாதிக்கப்பட்டு மருத்துவமனைகளில் சிகிச்சை பெற்று வந்தனர். இந்நிலையில் மாவட்டத்தின் பரவலான கிராம பகுதிகள், ராமநாதபுரம், பரமக்குடி, கீழக்கரை நகராட்சி பகுதிகளை சேர்ந்தவர்களுக்கு பரிசோதனை முடிவின் படி நேற்று ஒரே நாளில் 107 பேருக்கு கொரோனா தொற்று இருப்பது உறுதி செய்யப்பட்டது. மருத்துவமனைகள், சிறப்பு வார்டுகளில் சேர்க்கப்பட்டு சிகிச்சை பெற்று வருகின்றனர்.