கரூர், மார்ச் 17: கரூர் மாவட்ட கலெக்டர் அலுவலக கூட்டரங்கில் நடந்த மக்கள் குறைதீர் நாள் கூட்டத்தில் 274 மனுக்கள் பெறப்பட்டது. கரூர் மாவட்ட கலெக்டர் அலுவலக கூட்டரங்கில் மாவட்ட மக்கள் குறைதீர்க்கும் நாள் கூட்டம் நேற்று நடைபெற்றது. கரூர் மாவட்ட கலெக்டர் அன்பழகன் தலைமை வகித்து, மாவட்டத்தின் பல்வேறு பகுதிகளில் இருந்து வீட்டு மனைப்பட்டா, வேலை வாய்ப்பு, புதிய குடும்ப அட்டை, கல்விக்கடன், தொழில் கடன், குடிநீர் வசதி உட்பட பல்வேறு கோரிக்கை சம்பந்தமாக பொதுமக்களிடம் இருந்து வரப்பெற்ற 274 மனுக்களை துறை அதிகாரிகளிடம் வழங்கி நடவடிக்கை மேற்கொள்ள உத்தரவிட்டார்.