திருவண்ணாமலை, ஜன.10: திருவண்ணாமலை கோர்ட்டில், தேமுதிக தலைவர் விஜயகாந்த் மீது தொடரப்பட்ட அவதூறு வழக்கை அரசு தரப்பு நேற்று வாபஸ் பெற்றதால், கடந்த 7 ஆண்டுகளுக்கு பிறகு முடிவுக்கு வந்தது.
திருவண்ணாமலையில் கடந்த 28.8.2012 அன்று நடந்த தேமுதிக பொதுக்கூட்டத்தில், அக்கட்சியின் தலைவர் விஜயகாந்த் கலந்துகொண்டு பேசினார். அப்போது, தமிழக அரசையும், அப்போதைய முதல்வர் ஜெயலலிதாவையும் அவதூறாக பேசியதாக, திருவண்ணாமலை மாவட்ட அமர்வு நீதிமன்றத்தில் தமிழக அரசின் சார்பில் விஜயகாந்த் மீது அவதூறு வழக்கு தொடரப்பட்டது.இந்த வழக்கு விசாரணை தொடர்பாக, ஒருமுறை மட்டும் விஜயகாந்த் நேரில் ஆஜரானார். அதைத்தொடர்ந்து, நேரில் ஆஜராக கோர்ட்டில் விலக்கு பெற்றார். மேலும், அவதூறு வழக்குகளை தள்ளுபடி செய்யக்கோரி சுப்ரீம் கோர்ட்டில் வழக்கும் தொடர்ந்திருந்தார்.