ஊட்டி, டிச.9: நீலகிரி மாவட்டத்தில் 493 உள்ளாட்சி பதவிகளுக்கான நேரடி தேர்தல் நடக்கிறது. குன்னூர், கோத்தகிரி ஊராட்சி ஒன்றியங்களுக்கு வரும் 27ம் தேதியும், ஊட்டி, கூடலூர் ஒன்றியங்களுக்கு 30ம் தேதியும் வாக்குபதிவு நடைபெற உள்ளது.
தமிழகத்தில் 27 மற்றும் 30ம் தேதிகளில் ஊரக உள்ளாட்சி பகுதிகளுக்கான வாக்குபதிவு நடைபெற உள்ளது. நீலகிரி மாவட்டத்தில் 6 மாவட்ட ஊராட்சி வார்டு உறுப்பினர்கள், 59 ஊராட்சி ஒன்றிய உறுப்பினர்கள், 35 கிராம ஊராட்சி தலைவர்கள், 393 ஊராட்சி வார்டு உறுப்பினர்கள் என மொத்தம் 493 உறுப்பினர்கள் நேரடி தேர்தல் மூலமாக தேர்வு செய்யப்பட உள்ளனர். 4 ஊராட்சி ஒன்றிய தலைவர்கள், 4 ஊராட்சி ஒன்றிய துணை தலைவர், 35 கிராம ஊராட்சி துணை தலைவர், 1 ஊராட்சி தலைவர், 1 துணை தலைவர் ஆகியோர் மறைமுகமாகவும் தேர்வு செய்யபட உள்ளனர்.