திருச்சி, டிச.4: திருச்சியில் நுகர்பொருள் வாணிப கழக பொது தொழிலாளர் சங்கம் சார்பில் பல்வேறு கோரிக்கைகளை வலியுறுத்தி ஆர்ப்பாட்டம் நேற்று நடந்தது.ஆர்ப்பாட்டத்தில், உதவியாளர் பணியிடத்திற்கு நேரடி பணி நியமனம் செய்வதை கைவிட வேண்டும். கடைநிலை ஊழியர்களின் பதவி உயர்வை பறிக்க கூடாது. போராடி பெற்ற 12 (3) ஒப்பந்தத்தினை மீறக்கூடாது. காலிப்பணியிடங்களை உடனே நிரப்ப வேண்டும் என்பதை வலியுறுத்தி கோஷம் எழுப்பப்பட்டது. ஆர்ப்பாட்டத்திறகு மண்டல தலைவர் வேலு தலைமை வகித்தார். பொருளாளர் கருணாகரன் முன்னிலை வகித்தார். இதில் ஏராளமானோர் கலந்து கொண்டனர்.லால்குடி, டிச.4: லால்குடி அருகே புதிதாக அமைக்கப்பட்டு வரும் திருச்சி-சிதம்பரம் 4 வழிச்சாலையால் கீழப்பெருங்காவூர்-மைக்கேல்பட்டி இடையே பள்ளிகள், கோயில்கள், மயானத்திற்கு செல்ல முடியாத அவலநிலை ஏற்பட்டுள்ளது. மேலும் தொடர் விபத்துக்களை தடுக்க இங்கு மேம்பாலம் அமைக்க வேண்டும் என பொதுமக்கள் வலியுறுத்தியுள்ளனர்.திருச்சி-சிதம்பரம் இடையே 4 வழிச்சாலை பணிகள் திருச்சி-சென்னை தேசிய நெடுஞ்சாலையில் நெ.1 டோல்கேட்-பனமங்கலம் பகுதியில் தொடங்கி வி.துறையூர், சிறுமருதூர், கீழப்பெருங்காவூர், நகர், திருமங்கலம், பூவார், வெள்ளனூர், புள்ளம்பாடி, கல்லக்குடி, கல்லகம் வழியாக சிதம்பரம் வரை புதிதாக 4 வழிச்சாலை பணிகள் கடந்த ஓராண்டாக நடைபெற்று வருகிறது. லால்குடி, மாந்துறை, முளப்பதுக்குடி, மைக்கேல்பட்டி, கீழப்பெருங்காவூர், மருதூர் வழியாக சமயபுரம் செல்லும் பக்தர்கள் கீழப்பெருங்காவூர்-மைக்கேல்பட்டி இடையே செல்லும் சாலையை பயன்படுத்தி வருகின்றனர். இந்நிலையில் கீழப்பெருங்காவூர் ஊராட்சிக்குட்பட்ட மைக்கேல்பட்டி இடையே 4 வழிச்சாலை அமைக்கும் பணிகள் நடைபெற்று வருகிறது.