புதுக்கோட்டை, ஜூலை 19: புதுக்கோட்டை ராணியார் அரசு மகளிர் மேல்நிலைப்பள்ளியில் அமைக்கப்பட்டுள்ள கோளரங்க மாதிரியை மாணவிகள் கண்டு களித்தனர்.புதுக்கோட்டையில் உள்ள ராணியார் அரசு மகளிர் மேல்நிலைப்பள்ளியில் சித்தனவாசலில் புதியதாக தொடங்கப்பட்டு உள்ள கோளங்கரத்தின் மாதிரியை மாணவிகள் பார்வையிடும் நிகழ்ச்சி 2 நாட்கள் நடைபெற்றது.இதற்காக பள்ளி வளாகத்தில் மாதிரி கோளரங்கம் அமைக்கப்பட்டு இருந்தது. இதற்கு பள்ளியின் தலைமை ஆசிரியர் (பொ) திருச்செல்வம் தலைமை தாங்கினார்.இதில் பள்ளி மாணவிகள் பலர் கலந்து கொண்டு மாதிரி கோளரங்கத்தை கண்டு ரசித்தனர்.இதில் பள்ளியின் உதவி தலைமை ஆசிரியர் ரெங்கராஜூ, ஒருங்கிணைப்பாளர் மதியழகன், உடற்கல்வி இயக்குனர் ராஜாசரோஜா, அறிவியல் கோளரங்க நிர்வாகிகள், பள்ளி ஆசிரியர்கள் மற்றும் மாணவிகள் பலர் கலந்து கொண்டனர்.