நாங்குநேரி, மே 21: நாங்குநேரி அருகே தளபதிசமுத்திரம் கீழூரைச் சேர்ந்தவர் பூல்பாண்டி என்கிற கொடிபாண்டி (50). விவசாயியான இவர், மூலைக்கரைப்பட்டி அடுத்த செண்பகராமநல்லூரில் நடந்த உறவினர் துக்க நிகழ்ச்சியில் கலந்து கொள்வதற்காக பைக்கில் சென்றார். செண்பகராமநல்லூரில் செல்லும்போது நிலை தடுமாறி அங்குள்ள வீட்டுச் சுவற்றில் மோதியதில் பூல்பாண்டிக்கு தலையில் பலத்த காயம் ஏற்பட்டது. உயிருக்கு ஆபத்தான நிலையில் அவருக்கு நாங்குநேரி அரசு மருத்துவமனையில் முதலுதவி அளிக்கப்பட்டது. மேல்சிகிச்சைக்காக நெல்லை அரசு மருத்துவமனைக்கு கொண்டு செல்லப்பட்டார். அங்கு சிகிச்சை பலனின்றி பூல்பாண்டி இறந்தார். மற்றொரு சம்பவம்: மூலைக்கரைப்பட்டி அடுத்த லெத்திகுளத்தை சேர்ந்தவர் சுப்பையா(60). ஆடு மேய்க்கும் தொழிலாளியான இவர், நேற்று அம்பலம் பகுதியில் நடந்து சென்றார்.