நீடாமங்கலம், ஏப். 17: நீடாமங்கலத்தில் தமிழ்நாடு தொடக்கப் பள்ளி ஆசிரியர் மன்றம் சார்பில் ஆண்டு விழா, பணி நிறைவு பெற்ற ஆசிரியருக்கு பாராட்டு விழா, 20 ஆண்டுகள் பணியாற்றிய ஆசிரியர்களுக்கு பாராட்டு விழா, உறுப்பினர்களின் குழந்தைகள் 10ம் வகுப்பு, 12ம் வகுப்பு தேர்தவில் வெற்றி பெற்றவர்களுக்கு நினைவு பரிசு வழங்கும் விழா ஒன்றிய தலைவர் தீனதயாளன் தலைமையில் நடந்தது. மாநில கொள்கை விளக்க செயலாளர் மோகன், மாநில பொதுக்குழு உறுப்பினர் பாரி, மயில்வானன், கலைச்செல்வி, பொற்செல்வி முன்னிலை வகித்தனர். ஒன்றிய செயலாளர் இரவிகாசன் வரவேற்றார். ஒன்றிய துணைச்செயலாளர் சதீஷ்நாராயணன் ஆண்டறிக்கை வாசித்தார்.