திருச்சி,ஏப்.4: திருச்சி மக்களவை தொகுதி தேமுதிக வேட்பாளர் இளங்கோவன் தீவிர வாக்கு சேகரிப்பில் ஈடுபட்டார். திருச்சி பாராளுமன்ற தொகுதியில் அதிமுக கூட்டணியில் தேமுதிக போட்டியிடுகிறது. தேமுதிக வேட்பாளர் டாக்டர் இளங்கோவன் தீவிர வாக்குசேகரிப்பில் ஈடுபட்டு வருகிறார். நேற்று திருச்சி மாநகர் பகுதியில் பொதுமக்களிடம் தேர்தல் பிரசாரம் மேற்கொண்டார். பாலக்கரை, சங்கிலியாண்டபுரம், செந்தண்ணீர்புரம், முதலியார்சத்திரம் கல்லுக்குழி, ஆர்எம்எஸ் காலனி, டிவிஎஸ் டோல்கேட், சுப்பிரமணியபுரம், ரேஷ்கோர்ஸ் சாலை, காஜாமலை, வயர்லெஸ்சாலை, கேகே நகர், சாத்தனூர் உள்ளிட்ட பகுதிகளில் பொதுமக்களிடம் மத்திய, மாநில அரசுகளின் சாதனைகளையும், தாம் செய்யப் போகும் திட்டங்களையும் எடுத்துக்கூறி வாக்குகள் சேகரித்தார்.