சென்னை, மார்ச் 7: கும்மிடிப்பூண்டி வட்டார போக்குவரத்து அலுவலகத்தில் லஞ்ச ஒழிப்புத்துறை போலீசார் நடத்திய சோதனையில் கணக்கில் வராத பணம் சிக்கியது. கும்மிடிப்பூண்டி அடுத்த கன்னியம்மன் கோயில் அருகே கும்மிடிப்பூண்டி வட்டார போக்குவரத்து அலுவலகம் உள்ளது. இங்கு 30க்கும் மேற்பட்ட ஊராட்சிகளை சேர்ந்த கிராம மக்கள் தங்களது வாகனங்களுக்கு பதிவு, எப்சி பதிவு செய்தல், லைசன்ஸ் வாங்குதல் உள்ளிட்ட தேவைகளுக்காக தினமும் வந்து செல்கின்றனர். இந்த அலுவலகத்தின் அருகில் உள்ள கடைகள் மற்றும் புரோக்கர்கள் மூலம் வட்டார போக்குவரத்து ஆய்வாளர் மற்றும் அதிகாரிகள் சான்றிதழ் பெறுவதற்காக வரும் பொதுமக்களிடம் லஞ்சம் பெறுவதாக, லஞ்ச ஒழிப்புத் துறையினருக்கு ரகசிய தகவல் கிடைத்தது. அதன்ேபரில் திருவள்ளூர், காஞ்சிபுரம் லஞ்ச ஒழிப்புத்துறை டிஎஸ்பி சிவபாதசேகர் தலைமையில் 12 பேர் கொண்ட குழுவினர் நேற்று மாலை 3.30 மணியளவில் மேற்கண்ட அலுவலகத்துக்கு வந்தனர்.