பாடாலூர், ஆக. 13: பெரம்பலூர் அருகே செங்குணம் கிராமத்தில் மகா மாரியம்மன் கோயில் தேரோட்டம் இன்று திங்கள்கிழமை நடைபெறுகிறது.
பெரம்பலூர் அருகே செங்குணம் கிராமத்தில் உள்ள மகா மாரியம்மன் கோயில் திருவிழா காப்பு கட்டுதல் நிகழ்ச்சியுடன் தொடங்கியது.. ஆகஸ்ட் 6ம் தேதி இரவு காப்பு கட்டுதல் நிகழ்ச்சியுடன் சிறப்பு அபிஷேகம் நடைபெற்றது. ஆகஸ்ட் 7ம் தேதி முதல் நேற்று வரை மாரியம்மன் அன்ன வாகனம், மயில் வாகனம், சிம்ம வாகனம், குதிரை வாகனத்தில் திருவீதியுலா நிகழ்ச்சி நடைபெற்றது. நேற்று பால் குடம் எடுத்தல், அக்னி சட்டி எடுத்தல், அலகு குத்துதல் நிகழ்ச்சியும், இரவில் பொங்கல், மாவிளக்கு பூஜையும் நடைபெற்றது.