சென்னை: ஜே.இ.இ. 2ம் கட்ட முதன்மைத் தேர்வு வருகிற 6ம் தேதி தொடங்கி நடைபெற உள்ளது. சில யூ-டியூப் சேனல்களில் ஹால்டிக்கெட் வெளியிடும் தேதி குறித்த தகவல்களை வெளியிட்டு வருகின்றனர். இது போலியானது என தேசிய தேர்வு முகமை (என்.டி.ஏ.) அறிவித்துள்ளது. இதுதொடர்பாக முகமை வெளியிட்டுள்ள செய்திக் குறிப்பில் கூறப்பட்டிருப்பதாவது:- ஜே.இ.இ. முதன்மைத் தேர்வுக்கான மையங்கள் இடம்பெறும் நகர் பகுதிகள் இடம்பெறும் சீட்டு மற்றும் ஹால்டிக்கெட் வெளியிடப்படும் தேதி குறித்த தகவல்கள் இருப்பதாக கூறி சில வீடியோக்கள் சமூக வலைதளங்களில் பரப்பப்படுவது எங்கள் கவனத்துக்கு கொண்டுவரப்பட்டுள்ளது.