வாஷிங்டன்: இந்தியாவுக்கான அமெரிக்க தூதராக எரிக் கார்செட்டி நேற்று பதவியேற்றார். விழாவுக்கு துணை அதிபர் கமலா ஹாரிஸ் தலைமை வகித்தார். இந்தியா, அமெரிக்கா இடையேயான உறவு சமீபகாலமாக மிகவும் வலுவடைந்து வந்தாலும், இந்தியாவுக்கான அமெரிக்க தூதர் பதவி கடந்த ஜனவரி 2021ம் ஆண்டு முதல் காலியாகவே இருந்தது. இந்தியா, அமெரிக்கா வரலாற்றில் இவ்வளவு காலம் தூதர் நியமிக்கப்படாமல் இருந்ததில்லை. அமெரிக்காவில் ஆட்சி மாற்றத்தின் போது, கென்னத் ஜஸ்டர் பதவி விலகிய பின், 2021 ஜூலையில் லாஸ் ஏஞ்செல்சின் முன்னாள் மேயர் எரிக் கார்செட்டி பெயரை அதிபர் ஜோ பைடன் பரிந்துரை செய்தார். ஆனால், கார்செட்டிக்கு ஆளும் ஜனநாயக கட்சியிலேயே ஆதரவு இல்லாததால் செனட் அவையில் ஓட்டெடுப்பு நடத்தப்படவில்லை.