வாஷிங்டன்: அமெரிக்காவின் தற்போதைய நிதி நிலைமைக்கு குடியரசு கட்சி, ஜனநாயக கட்சி இரண்டுமே பொறுப்பு என நிக்கி ஹாலே குற்றம்சாட்டியுள்ளார். 2024ம் ஆண்டு நடைபெறவுள்ள அமெரிக்க அதிபர் தேர்தலில் குடியரசு கட்சி சார்பில் முன்னாள் அதிபர் டொனால்ட் டிரம்ப் மற்றும் இந்திய வம்சாவளியை சேர்ந்த நிக்கி ஹாலே, விவேக் ராமசாமி ஆகியோர் போட்டியிட போவதாக அறிவித்துள்ளனர். மூவரும் தற்போதே தேர்தல் பிரசாரங்களை தொடங்கியுள்ளதால் அமெரிக்க அதிபர் தேர்தல் களம் சூடு பிடித்துள்ளது. இந்நிலையில், அமெரிக்காவில் தற்போதுள்ள பொருளாதார மந்த நிலைக்கு குடியரசு கட்சியும், ஜனநாயக கட்சியுமே முழு பொறுப்பு என நிக்கி ஹாலே குற்றம்சாட்டியுள்ளார்.