வாஷிங்டன்: அமெரிக்க வௌியுறவுத்துறை அமைச்சர் ஆண்டனி பிளிங்கன் வரும் மார்ச் 1ம் தேதி இந்தியா வரவுள்ளதாக தெரிவிக்கப்பட்டுள்ளது. இந்தியா கடந்த ஆண்டு டிசம்பர் 1ம் தேதி ஜி20 நாடுகளின் தலைமையை ஏற்றது. அதன்ஒரு பகுதியாக ‘ஒரு பூமி, ஒரு குடும்பம், ஒரு எதிர்காலம்‘ என்ற கருப்பொருளில் நாடு முழுவதும் 200 கூட்டங்களை நடத்த இந்தியா முடிவு செய்துள்ளது. இதன் நீட்சியாக, டெல்லியில் வரும் மார்ச் 1ம் தேதி அனைத்து நாடுகளின் வெளியுறவுத்துறை அமைச்சர்கள் பங்கேற்கும் மாநாடு நடைபெற உள்ளது. இதில் கலந்து கொள்வதற்காக அமெரிக்க வெளியுறவுத்துறை அமைச்சர் ஆண்டனி பிளிங்கன் இந்தியா வர உள்ளதாக தெரிவிக்கப்பட்டுள்ளது.