வத்திராயிருப்பு: கனமழை எச்சரிக்கையால் சதுரகிரி சுந்தரமகாலிங்கம் மலைக்கோயிலுக்கு செல்ல 2 நாட்களுக்கு வனத்துறை தடை விதித்துள்ளது. மதுரை மாவட்டம், சாப்டூர் அருகே மேற்குத் தொடர்ச்சி மலைப்பகுதியில் சதுரகிரி சுந்தரமகாலிங்கம் கோயில் உள்ளது. இங்கு தை மாத பிரதோஷம், பவுர்ணமியை முன்னிட்டு இன்று (பிப்.3) முதல் பிப். 6ம் தேதி வரை பக்தர்கள் தரிசனம் செய்ய 4 நாட்களுக்கு அனுமதி அளிக்கப்பட்டிருந்தது. கனமழை பெய்யும் என வானிலை மையம் எச்சரிக்கை விடுத்துள்ளதையடுத்து, நேற்று மற்றும் இன்று ஆகிய 2 நாட்களுக்கு சதுரகிரி மலைக்கோயிலுக்கு பக்தர்கள் செல்ல அனுமதி மறுக்கப்படுகிறது என மாவட்ட நிர்வாகம் மற்றும் வனத்துறை அறிவித்துள்ளது.