நியூயார்க்: என்.டி.பாலகிருஷ்ணா (பாலய்யா) நடித்த ‘வீர சிம்ஹா ரெட்டி’ படம் நேற்று வெளிநாடுகளில் வெளியானது. பல நாடுகளில் சிறப்பு காட்சிகள் திரையிடப்பட்டன. அந்த வகையில் அமெரிக்காவின் வர்ஜீனியா மாநிலத்தில் உள்ள ஒரு தியேட்டரில் சிறப்பு காட்சி திரையிடப்பட்டது. இதற்கான டிக்கெட்டுகள் விற்று தீர்ந்திருந்தது. படம் தொடங்குவதற்கு பல மணி நேரத்துக்கு முன்பாகவே தியேட்டரில் ரசிகர்கள் கூடினர். படம் திரையிடத் தொடங்கியதும் ரசிகர்கள் கூச்சலிட்டபடி என்.டி.பாலகிருஷ்ணாவின் என்ட்ரி காட்சிக்கு ஆரவாரம் செய்தனர். தொடர்ந்து அவர்கள் கூச்சலிட்டபடியும் பேப்பர் துண்டுகளை திரையை நோக்கி வீசியபடியும் இருந்தனர்.