இஸ்லாமாபாத்: பாகிஸ்தானின் புதிய ராணுவ தளபதியாக ஆசிம் முனிர் நேற்று பதவியேற்றுக்கொண்டார். பாகிஸ்தான் புதிய ராணுவ தளபதியாக முன்னாள் ஐஎஸ்ஐ உளவுப்பிரிவு தலைவரான ஆசிம் முனீரை அந்நாட்டு பிரதமர் ஷெபாஸ் ஷெரீப் கடந்த 24ம் தேதி நியமித்தார். ஏற்கனவே ராணுவ தளபதியாக இருந்த குவாமர் ஜாவீத் பஜ்வானின் பதவிக்காலம் நேற்றுடன் முடிவடைந்தது. இதனைதொடர்ந்து நேற்று புதிய ராணுவ தளபதி பதவியேற்பு விழா இஸ்லாமாபாத்தில் உள்ள ராணுவ தலைமையகத்தில் நடைபெற்றது.