அடிலெய்டு: ஆஸ்திரலேியாவில் சுற்றுப்பயணம் மேற்கொண்டுள்ள இங்கிலாந்து அணி 3 ஆட்டங்களை கொண்ட ஒருநாள் தொடரில் விளையாடுகிறது. முதல் ஒருநாள் ஆட்டம் நேற்று அடிலெய்டில் பகல்/இரவு ஆட்டமாக நடந்தது. டாஸ் வென்ற ஆஸி பந்து வீச்சை தேர்வு செய்தது. அதனால் முதலில் களம் கண்ட இங்கிலாந்து அடுத்தடுத்து விக்கெட்களை பறிகொடுத்த வண்ணம் இருந்தது. ஆனால் இன்னொரு முனையில் அதிரடி ஆட்டக்காரர் டேவிட் மாலன் பொறுப்புடன் விளையாடி சதம் விளாசினார். அவர் 46வது ஓவர் வரை தாக்குப்பிடித்து 134(128பந்து, 12பவுண்டரி, 4சிக்சர்) ரன்னில் ஆட்டமிழந்தார். கூடவே டேவிட் வில்லி ஆட்டமிழக்காமல் 34ரன் எடுக்க, இங்கி 50ஓவர் முடிவில் 9 விக்கெட் இழப்புக்கு 287ரன் குவித்தது. கேப்டன் பட்லர் 29ரன் எடுத்தார். ஆஸி தரப்பில் கேப்டன் கம்மின்ஸ், ஸம்பா தலா 3 விக்கெட் எடுத்தனர்.