தைபே: சீனாவின் 36 போர் விமானங்கள் தைவானை சுற்றி வருகின்றன. மேலும், டிரோன்களும் உளவு பார்ப்பதால் பதற்றம் ஏற்பட்டுள்ளது. சீனாவும் தைவானும் கடந்த 1949ம் ஆண்டு போருக்கு பின்னர் பிரிந்தன. ஆனாலும், தைவானை தனது பகுதி என சீனா சொந்தம் கொண்டாடி வருவதுடன், அதனை தனி நாடாக அங்கீகரிக்கும் அமெரிக்கா உள்ளிட்ட நாடுகளுக்கும் கடும் எதிர்ப்பு தெரிவித்து வருகிறது. இதற்கு பதிலடி கொடுக்கும் வகையில், தைவான் மீது சீனா போர் தொடுத்தால் கடும் விளைவுகளை சந்திக்க நேரிடும் என்று அமெரிக்கா எச்சரித்துள்ளது. அமெரிக்க சபாநாயகர் நான்சி பெலோசி கடந்த ஆகஸ்ட்டில் தைவான் வந்து சென்ற பிறகு, அமெரிக்க எம்பி.க்கள் குழு அடிக்கடி தைவான் வந்து செல்கின்றன.