லண்டன்: இங்கிலாந்தில் மன்னர் 3ம் சார்லசின் உருவம் பொறித்த நாணயங்கள் வெளியிடப்பட்டு உள்ளன. இங்கிலாந்து ராணி 2ம் எலிசபெத் உடல்நலக் குறைவினால் கடந்த மாதம் 8ம் தேதி காலமானார். இதைத் தொடர்ந்து, அவரது மகன் இளவரசர் சார்லஸ் மன்னராக பொறுப்பேற்றார். இந்நிலையில், புதிய மன்னர் 3ம் சார்லஸ் உருவம் பொறிக்கப்பட்ட நாணயத்தை ராயல் மின்ட் நேற்று வெளியிட்டது. ராணியின் உருவப்படம் நாணயத்தின் வலது பக்கம் பார்ப்பதுபோல் இருந்த நிலையில் பாரம்பரியத்திற்கு ஏற்ப மன்னரின் உருவப்படம் எதிர் திசையில் இடது பக்கம் உள்ளது. இது, விரைவில் புழக்கத்துக்கு வர இருப்பதாக அறிவிக்கப்பட்டுள்ளது.