கிங்ஸ்டன்: வெஸ்ட் இண்டீசில் சுற்றுப்பயணம் மேற்கொண்டுள்ள நியூசிலாந்து அணி 3 ஆட்டங்களை கொண்ட டி20 தொடரில் விளையாடி வருகிறது. கிங்ஸ்டனில் நடக்கும் இந்தத் தொடரின் முதல் ஆட்டத்தில் நியூசி வெற்றிப் பெற்று தொடரில் 1-0 என்ற கணக்கில் முன்னிலைப் பெற்றது. இந்நிலையில் 2வது ஆட்டம் நேற்று முடிந்தது. அதில் டாஸ் வென்ற வெ.இண்டீஸ் பந்து வீச்சை தேர்வு செய்தது. முதலில் களம் கண்ட நியூசி 20ஓவர் முடிவில் 5விக்கெட் இழப்புக்கு 185ரன் எடுத்தது. அந்த அணியின் கேப்டன் கேன் வில்லியம்சன் 47(33பந்து, 4பவுண்டரி, 2சிக்சர்), டெவன் கான்வே 43(29பந்து, 4பவுண்டரி, 2சிக்சர்), ஜேம்ஸ் நீஷம் 33(15பந்து, 3பவுண்டரி, 2சிக்சர்) ரன் விளாசினர். வெ.இண்டீஸ் வீரர் ஒடியன் ஸ்மித் 3 விக்கெட் எடுத்தார்.