புதுடெல்லி: இந்திய, அமெரிக்க ராணுவத்தின் பிரமாண்ட கூட்டு பயிற்சி வரும் அக்டோபர் மாதம் உத்தரகாண்டில் நடக்கிறது. அமெரிக்காவும், இந்தியாவும் தங்களின் ராணுவ உறவை பலப்படுத்த ஆண்டுதோறும் கூட்டு போர் பயிற்சியில் ஈடுபடுவது வழக்கம். அந்த வகையில் இரு நாடுகளின் பிரமாண்ட போர் பயிற்சி வரும் அக்டோபர் 14ம் தேதி முதல் 31ம் தேதி வரை உத்தரகாண்டில் நடக்கிறது. இந்த பயிற்சியில் இருநாட்டு ராணுவ அதிகாரிகள், வீரர்கள் கலந்து கொள்கின்றனர். இரு நாட்டு ராணுவ வீரர்களும் இணைந்து அவசரகால செயல்பாடுகள், தாக்குதல்களை சமாளிக்க கருத்துகள் மற்றும் அறிவுசார் உடைமைகளைப் பகிர்ந்து கொள்வர்.