புதுடெல்லி: திருமணமாகி சில வாரங்கள் ஆன நிலையில், பஞ்சாப் முதல்வர் பகவந்த் மான் டெல்லியில் உள்ள மருத்துவமனையில் அனுமதிக்கப்பட்டுள்ளதாக தகவல்கள் தெரிவிக்கின்றன.பஞ்சாப்பில் காங்கிரஸ் கட்சியை தோற்கடித்த ஆம் ஆத்மி கட்சியின் தலைவரான பகவந்த் மான் மாநில முதல்வராக உள்ளார். இவருக்கு கடந்த சில வாரங்களுக்கு முன் டாக்டர் குர்ப்ரீத் கவுருடன் திருமணம் நடந்தது. இந்நிலையில் முதல்வர் பகவந்த் மானுக்கு திடீரென உடல்நலக்குறைவு ஏற்பட்டதால், டெல்லி அப்பல்லோ மருத்துவமனையில் சிகிச்சைக்காக அனுமதிக்கப்பட்டுள்ளார்.