செங்கம்: தமிழக அரசு சார்பில் இலங்கைக்கு அனுப்பி வைக்கப்பட உள்ள 500 டன் ஆவின் பால் பவுடர் தயாரிக்கும் பணி, செங்கம் அடுத்த அம்மாபாளைம் ஆவின் பால் பவுடர் ஆலையில் தீவிரமாக நடந்து வருகிறது. இப்பணியை அமைச்சர் ஆவடி நாசர் நேரில் ஆய்வு செய்தார்.இலங்கைக்கு தமிழக அரசு சார்பில் ₹15 கோடி மதிப்பிலான 500 டன் பால் பவுடர் அனுப்பி வைக்கப்பட உள்ளது. திருவண்ணாமலை மாவட்டம், செங்கம் அடுத்த அம்மாபாளையம் ஊராட்சியில் உள்ள ஆவின் பால் பவுடர் தயாரிக்கும் தொழிற்சாலையில், இலங்கை மக்களுக்காக அனுப்பி வைக்க வேண்டிய பால் பவுடர் தயாரிக்கும் பணி இரவு, பகலாக நடந்து வருகிறது.