புதுடெல்லி: உலகின் பெரும் பணக்காரர் பட்டியலில் வாரன் பப்பெட்டை பின்னுக்கு தள்ளி, கவுதம் அதானி 5வது இடத்துக்கு முன்னேறி உள்ளார். குஜராத்தை சேர்ந்த தொழிலதிபர் கவுதம் அதானி, அசுர வளர்ச்சி அடைந்து உலக பணக்காரர்கள் பட்டியலில் டாப்-10 பட்டியலில் இடம் பெற்றுள்ளார். இந்நிலையில், பல துறையில் வர்த்தகம் செய்து வரும் அதானி குழுமத்தின் நிறுவனங்களான அதானி மின் உற்பத்தி, அதானி துறைமுகம் நிறுவனத்தின் பங்குகள் அதிகளவிலான வளர்ச்சி அடைந்த காரணத்தால், நேற்று உலகப் பெரும் பணக்காரர்கள் பட்டியலில் 5வது இடத்தில் இருந்த வாரன் பபெட்டை பின்னுக்கு தள்ளி அந்த இடத்தை பிடித்துள்ளார்.