நெல்லை: நெல்லை, தூத்துக்குடி தென்காசி மாவட்டங்களில் கோடை வெயில் கொளுத்தும் நிலையில் இன்று அதிகாலை பரவலாக சாரல் மழை பெய்து குளிர்வித்தது. தென்தமிழக கடல் பகுதியில் ஏற்பட்ட வளிமண்ட மேலடுக்கு சுழற்சி காரணமாக கடந்த 2 வாரங்களுக்கும் மேலாக மாலையில் நெல்லை, தென்காசி, தூத்துக்குடி மாவட்டங்களில் பரவலாக மழை பெய்து வருகிறது. 3 மாவட்டங்களிலும் நேற்றும் பகலில் வெயில் கொளுத்தியது. இந்த நிலையில் இன்று அதிகாலை தட்ப வெப்ப நிலையில் மாற்றம் ஏற்பட்டது.