ஊட்டி: மருத்துவப்படிப்பில் 7.5 சதவீத அரசு இட ஒதுக்கீட்டில் சேர்ந்த மாணவர்களுக்கு இலவச லேப்டாப் வழங்கப்படும் என சுகாதாரத்துறை அமைச்சர் தெரிவித்தார். ஊட்டி எச்பிஎப் பகுதியில் ரூ.461 கோடி மதிப்பீட்டில் கட்டப்பட்டு வரும் நீலகிரி அரசு மருத்துவக் கல்லூரி மருத்துவமனை பணிகளை நேற்று முன்தினம் சுகாதாரத்துறை அமைச்சர் மா.சுப்பிரமணியன் பார்வையிட்டார். தொடர்ந்து அங்கு நடப்பு ஆண்டில் மருத்துவப்படிப்பில் சேர்ந்துள்ள மாணவர்களிடம் கலந்துரையாடினார்.