புவனேஸ்வர்: போலந்து அணியுடனான கடைசி லீக் ஆட்டத்தில் 8-2 என்ற கோல் கணக்கில் அபாரமாக வென்ற இந்தியா, ஜூனிய உலக கோப்பை ஹாக்கி போட்டித் தொடரின் காலிறுதிக்கு முன்னேறியது. இந்த தொடரின் பி பிரிவில் இடம் பெற்ற நடப்பு சாம்பியன் இந்தியா, தனது முதல் லீக் ஆட்டத்தில் பிரான்ஸ் அணியிடம் 4-5 என்ற கோல் கணக்கில் போராடி தோற்றது. அடுத்து கனடாவுடன் நடந்த லீக் ஆட்டத்தில் 13-1 என அபாரமாக வென்று நாக் அவுட் சுற்றுக்கு முன்னேறும் வாய்ப்பை தக்கவைத்தது. இந்நிலையில், கடைசி லீக் ஆட்டத்தில் நேற்று போலந்து அணியை எதிர்கொண்டது.