விஸ்கான்சின்: அமெரிக்காவில் நடைபெற்ற கிறிஸ்துமஸ் பேரணி ஒன்றில் வேகமாக சென்ற வாகனம் மோதியதில் 23 பேர் படுகாயமடைந்தனர்; ஒருவர் உயிரிழந்தார். விஸ்கான்சின் மாநிலத்தில் வக்கிஷா என்ற நகரத்தில் ஆண்டுதோறும் நடைபெறும் கிறிஸ்துமஸ் பண்டிகைக்கான கலை பேரணி புகழ்பெற்றதாகும். இவ்வாண்டிற்கான கலைவிழா நேற்று கோலாகலமாக நடைபெற்றது. பேரணியில் குழந்தைகள், சிறுவர், சிறுமியர், இளைஞர்கள் பாடல்களை பாடியபடியும், வாத்தியங்கள் இசைத்தபடியும், நடனமாடியபடியும் சென்றனர். அதனை நூற்றுக்கணக்கானவர்கள் சாலையின் இரண்டு புறத்திலும் நின்றபடி பார்த்து ரசித்துக் கொண்டிருந்தனர். அப்போது அதிவேகமாக சென்ற வாகனம் ஒன்று கட்டுப்பாட்டை இழந்து பேரணியாக சென்றவர்கள் மீது பயங்கமாக மோதியது.