சண்டிகர்: அரியானாவில் விவசாயிகள் போராட்டத்தின் போது அந்த வழியாக சென்ற பாஜ எம்பி.யின் கார் அடித்து நொறுக்கப்பட்டுள்ளது. ஒன்றிய அரசின் வேளாண் சட்டங்களை கண்டித்து பல்வேறு மாநிலங்களிலும் விவசாயிகள் தொடர்ந்து போராட்டம் நடத்தி வருகின்றனர். அரியானாவில் விவசாயிகளின் போராட்டத்துக்கு ஆளும் பாஜ மற்றும் ஜனநாயக ஜனதா கட்சி உள்ளிட்டவை தொடர்ந்து எதிர்ப்பு தெரிவித்து வருகின்றன. இந்நிலையில், இம்மாநில பாஜ எம்பி ராம் சந்தர் ஜாங்ரா, நர்வானா மற்றும் உச்சானா பகுதிகளில் நடைபெறும் நிகழ்ச்சியில் கலந்து கொள்வதற்காக நேற்று சென்றார்.