துபாய்: ஆப்கானிஸ்தான் அணியில் ஓய்வு பெற்ற முன்னாள் கேப்டன் அஸ்கர் ஆப்கனுக்கு பதிலாக ஆல் ரவுண்டர் ஷராபுதின் அஷ்ரப் சேர்க்கப்பட்டுள்ளார். நடப்பு ஐசிசி உலக கோப்பை டி20 தொடரின் 2வது பிரிவில் இடம் பெற்றுள்ள ஆப்கானிஸ்தான் அணி, பாகிஸ்தான் அணிக்கு எதிரான சூப்பர் 12 சுற்று லீக் ஆட்டத்தில் போராடி தோற்றது. இந்த தோல்வி தன்னை வெகுவாகப் பாதித்ததாக தெரிவித்த முன்னாள் கேப்டன் அஸ்கர் ஆப்கன் (33 வயது), அடுத்து நமீபியாவுடன் நடந்த லீக் ஆட்டத்துடன் சர்வதேச கிரிக்கெட்டில் இருந்து ஓய்வு பெற்றார்.