கூடலூர்: கூடலூர் அருகே மனிதர்களை அடித்து கொல்லும் புலியை, மயக்க ஊசி செலுத்துவதற்குள் வனத்துக்குள் தப்பி சென்றது. வனத்துறையினர் தொடர்ந்து தேடி வருகிறார்கள். நீலகிரி மாவட்டம், கூடலூர் அருகேயுள்ள மசினகுடி பகுதியில் இருந்து தப்பிய டி23 புலியை நேற்று மாலை ஸ்ரீமதுரை ஊராட்சியை அடுத்த கோழிக்கண்டி கிராமத்தை ஒட்டிய வனப்பகுதியில் பதுங்கியிருப்பதை வனத்துறையினர் கண்டுபிடித்தனர். அங்கு, சுற்றி வளைத்து புலிக்கு மயக்க ஊசி செலுத்த முயன்ற போது தப்பிய புலி, கோழிக்கண்டியில் இஞ்சி தோட்டம் ஒன்றில் படுத்திருப்பதை அப்பகுதி மக்கள் பார்த்து வனத்துறைக்கு தகவல் அளித்தனர்.