மும்பை: கொரோனா பரவல் தொற்று காலத்தில் பொதுமக்களுக்கு நிவாரண நிதி வழங்குவதற்காகவும், கொரோனா கட்டுப்பாடு பணிகளுக்கு பயன்படுத்துவதற்காகவும் பிஎம் கேர்ஸ் நிதி டிரஸ்ட் உருவாக்கப்பட்டது. இந்நிலையில் இந்த டிரஸ்டின் இணையதளத்தில் பிரதமர் மோடியின் புகைப்படம், சின்னம், தேசியக்கொடி இடம்பெற்றுள்ளது. பிஎம் கேர்ஸ் நிதி டிரஸ்ட் இணைய தள பக்கத்தில் இருந்து பிரதமரின் புகைப்படம் உள்ளிட்டவற்றை அகற்ற வேண்டும் என்று வலியுறுத்தி காங்கிரஸ் கட்சியை சேர்ந்த விக்ராந்த் சவான் என்பவர் மும்பை உயர்நீதிமன்றத்தில் பொதுநலன் மனு தாக்கல் செய்தார்.