அருப்புக்கோட்டை: அருப்புக்கோட்டையில் இருந்து தினமும் சென்னைக்கு ரயில் இயக்க வேண்டும் என ஒன்றிய நிதி அமைச்சரிடம் கோரிக்கை மனு அளிக்கப்பட்டுள்ளது.விருதுநகர் மாவட்டம், அருப்புக்கோட்டை நகரில் சுமார் 1 லட்சத்து 25 ஆயிரம் பேர் வசித்து வருகின்றனர். அருப்புக்கோட்டையில் உள்ள ரயில்வே நிலையம் கடந்த 2006 வரை மீட்டர்கேஜ் பாதையாக இருந்தபோது தினசரி சென்னைக்கு ரயில் இயக்கப்பட்டது. அகல ரயில் பாதையாக மாற்றப்பட்ட பிறகு சிலம்பு எக்ஸ்பிரஸ் ரயில் வாரத்திற்கு 3 நாட்கள் மட்டும் இயக்கப்படுகிறது. தினந்தோறும் அருப்புக்கோட்டை மற்றும் சுற்றியுள்ள பகுதிகளிலிருந்து 700 பேர் வரை சென்னைக்கு சென்று வருகின்றனர்.